അല്ലു അർജുനെ നായകനാക്കി സുകുമാർ സംവിധാനം ചെയ്ത ‘ പുഷ്പ 2: ദ റൂൾ ‘ ആഗോളതലത്തിൽ തന്നെ മികച്ച ഓപ്പണിംഗ് നേടി. ഇന്ത്യയിൽ ചിത്രം ഇതുവരെ 175.1 കോടി രൂപ നേടി. ഇന്ത്യയിലെ മുൻകാല റെക്കോർഡുകളെല്ലാം മറികടക്കുക മാത്രമല്ല, ഷാരൂഖ് ഖാൻ്റെ ‘ജവാൻ’ എന്ന ചിത്രത്തെ പിന്തള്ളി ‘പുഷ്പ 2’ ഹിന്ദിയിൽ എക്കാലത്തെയും മികച്ച കളക്ഷൻ നേടിയ ഓപ്പണറായി മാറുകയും ചെയ്തു. അന്താരാഷ്‌ട്ര ബോക്‌സ് ഓഫീസ് കളക്ഷനുകളിൽ ചിത്രം 200 കോടി രൂപ (ഗ്രോസ്) നേടിയിട്ടുണ്ടെന്നാണ് കണക്കാക്കുന്നത്. ഔദ്യോഗിക വിവരങ്ങൾ പുറത്തുവിട്ടിട്ടില്ല. ലോകമെമ്പാടുമുള്ള 10,000-ലധികം സ്‌ക്രീനുകളിൽ പുഷ്പ 2 പ്രദർശിപ്പിച്ചിട്ടുണ്ട്.
