കുവൈത്ത് സിറ്റി: വിപണി നിയന്ത്രിക്കുന്നതിനും വിലയിലെ കൃത്രിമത്വം തടയുന്നതിനുമുള്ള തുടർച്ചയായ ശ്രമങ്ങളുടെ ഭാഗമായി, വാണിജ്യ വ്യവസായ മന്ത്രാലയം ഷുവൈഖിൽ തീവ്രമായ പരിശോധനാ കാമ്പയിൻ ആരംഭിച്ചു . അന്യായമായ വിലവർദ്ധനവുമായി ബന്ധപ്പെട്ട ഏതെങ്കിലും ലംഘനങ്ങൾ കണ്ടെത്തുന്നതിനും പരിഹരിക്കുന്നതിനുമായി ഭക്ഷ്യ, ഉപഭോക്തൃ ഉൽപ്പന്ന സ്റ്റോറുകൾ കേന്ദ്രീകരിച്ച് ആയിരുന്നു ക്യാമ്പയിനുകൾ. വാണിജ്യ നിയന്ത്രണ വകുപ്പ് ഡയറക്ടർ ഫൈസൽ അൽ-അൻസാരി നയിച്ച ഈ കാമ്പെയ്‌നിൽ നിരവധി നിയമലംഘനങ്ങൾ കണ്ടെത്തി. നിയമലംഘകർക്കെതിരെ കർശന നടപടി എടുത്തു. വിവിധ ഗവർണറേറ്റുകളിൽ സമാനമായ പരിശോധനകൾ നടത്തുമെന്ന് മന്ത്രാലയം അറിയിച്ചു. കുവൈറ്റിൽ വില സ്ഥിരത നിലനിർത്തുന്നതിനും ഉപഭോക്തൃ അവകാശങ്ങൾ സംരക്ഷിക്കുന്നതിനും ന്യായമായ വാണിജ്യ രീതികൾ ഉയർത്തിപ്പിടിക്കുന്നതിനുമുള്ള ഒരു വലിയ തന്ത്രത്തിന്റെ ഭാഗമാണ് ഈ പരിശോധനകൾ . വിലനിർണ്ണയ നിയന്ത്രണങ്ങൾ പാലിക്കാൻ മന്ത്രാലയം ബിസിനസുകളോട് ആവശ്യപ്പെട്ടു , ഇത് പാലിക്കാത്തത് കടുത്ത ശിക്ഷകൾക്ക് കാരണമാകുമെന്ന് മുന്നറിയിപ്പ് നൽകി.
