കുവൈത്ത് സിറ്റി: കുവൈത്തിൽ സാമൂഹിക മാധ്യമങ്ങളിലൂടെ സർക്കാരിനെ പരസ്യമായി അപമാനിച്ച സ്ത്രീ കുവൈത്തിൽ അറസ്റ്റിലായി. കുവൈത്ത് പൗരത്വ നിയമത്തിലെ ആർട്ടിക്കിൾ എട്ട് പ്രകാരം അവരുടെ പൗരത്വം റദ്ദാക്കി. അപകീർത്തികരമായ പ്രസ്താവനകൾ നടത്തുകയും ഭരണകൂടത്തിന്‍റെ പരമാധികാര തീരുമാനങ്ങളെ വെല്ലുവിളിക്കുകയും ചെയ്തു. ആവശ്യമായ നിയമ നടപടികൾ പൂർത്തിയാക്കിയ ശേഷം അവരെ തടങ്കലിൽ വയ്ക്കുകയും അവരുടെ ജന്മനാട്ടിലേക്ക് നാടുകടത്തുന്നതിനായി താൽക്കാലിക തടങ്കൽ കാര്യ വകുപ്പിലേക്ക് മാറ്റുകയും ചെയ്തു.
