കുവൈത്ത് സിറ്റി: സാൽമിയയിലേക്കുള്ള ഫിഫ്ത്ത് റിംഗ് റോഡ് എക്സ്പ്രസ് വേ ടണൽ ഇന്ന് മുതൽ ജനറൽ ട്രാഫിക് വകുപ്പുമായി സഹകരിച്ച് തുറക്കും. രാജ്യത്തെ റോഡ് ശൃംഖല നവീകരിക്കുന്നതിനും വികസിപ്പിക്കുന്നതിനുമുള്ള അതോറിറ്റിയുടെ പദ്ധതിയുടെ ഭാഗമാണിത്. പ്രത്യേകിച്ച് തുരങ്കത്തിന് ചുറ്റുമുള്ള പ്രദേശങ്ങളിൽ കൂടുതൽ ഗതാഗതം കൈവരിക്കുന്നതിന് ഇത് സഹായിക്കും. പൊതുമരാമത്ത് മന്ത്രി ഡോ. നൂറ അൽ-മിഷാൻ അടുത്തിടെ ജഹ്‌റ ഭാഗത്തേക്കുള്ള തുരങ്കം തുറന്നുകൊടുത്തിരുന്നു. കുവൈറ്റിലെ ഗതാഗത അടിസ്ഥാന സൗകര്യങ്ങൾ വികസിപ്പിക്കുന്നതിനും റോഡുകളുടെ ഗുണനിലവാരം മെച്ചപ്പെടുത്തുന്നതിനുമുള്ള മറ്റൊരു ചുവടുവയ്പ്പാണിത്.
