കുവൈത്ത് സിറ്റി: കാമുകിയെ കാണാന്‍ വേഷംം മാറി രഹസ്യമായി ഹോട്ടലിലെത്തിയ കുവൈത്ത് പൗരനായ യുവാവ് പോലിസ് പിടിയിൽ. സ്ത്രീകള്‍ ധരിക്കുന്ന അബായയും മുഖം മറയ്ക്കുന്ന നിഖാബും ധരിച്ചായിരുന്നു യുവാവ് ഹോട്ടലിലെത്തിയതെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. കുവൈത്ത് സ്വദേശിനിയായ യുവതിയാണ് കാമുകനെ കാണാൻ ഹോട്ടലിൽ മുറിയെടുത്തത്. ഇവർ മറ്റൊരാളുടെ പേരിലായിരുന്നു ഹോട്ടൽ മുറി ബുക്ക് ചെയ്തതെന്ന് പോലീസ് പിന്നീട് നടത്തിയ അന്വേഷണത്തിൽ വ്യക്തമായി.
‘ ഇവർ ക്ഷണിച്ചത് അനുസരിച്ചാണ് യുവാവ് അബായയും നിഖാബും ധരിച്ച് ഹോട്ടലിലെത്തിയത്. ഇയാളുടെ പെരുമാറ്റത്തില്‍ സംശയം തോന്നിയ ഹോട്ടല്‍ അധികൃതരാണ് സംഭവം പോലിസിനെ അറിയിച്ചത്. വിവരം ലഭിച്ചതിൻറെ അടിസ്ഥാനത്തിൽ ഹോട്ടലിലെത്തിയ പോലീസ് യുവാവിനെയും യുവതിയെയും കസ്റ്റഡിയിലെടുത്തു. കാമുകിയെ കാണാന്‍ മറ്റ് വഴികളൊന്നും ഇല്ലാതെയാണ് സ്ത്രീ വേഷത്തില്‍ താന്‍ ഹോട്ടലിലെത്തിയതെന്ന് യുവാവ് സമ്മതിച്ചതായി പോലീസ് പറഞ്ഞു
