കുവൈത്ത് അന്താരാഷ്ട്ര വിമാനത്താവളത്തിൽ ജലവൈദ്യുത മന്ത്രാലയം ഓഫീസ് തുറക്കുന്നു

കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിൽ എത്തുന്ന യാത്രക്കാരെ സേവിക്കുന്നതിനായി പുതിയ ഓഫീസ് ആരംഭിക്കുമെന്ന് കുവൈത്ത് ജലവൈദ്യുത മന്ത്രാലയം അറിയിച്ചു.പുതിയ പാസഞ്ചർ ടെർമിനൽ ടി 4 ലാണ് ഓഫീസ് തുറക്കുന്നത്, കൂടാതെ ബില്ലുകൾ അടയ്ക്കുന്നതിനും നിരവധി ഇടപാടുകൾ എളുപ്പത്തിലും സൗകര്യപ്രദമായും പൂർത്തിയാക്കാനും ഉപഭോക്താക്കളെ സഹായിക്കുന്ന സംവിധാനങ്ങളാണ് ഇവിടെ ഒരുക്കുക എന്ന് കസ്റ്റമർ സർവീസ് സെക്ടർ അസിസ്റ്റന്റ് അണ്ടർസെക്രട്ടറി അഹമ്മദ് അൽ റാഷിദി പറഞ്ഞു