കുവൈത്ത് സിറ്റി: വാക്സിനേഷനിൽ പുതിയ ചരിത്രം സൃഷ്ടിച്ച് കുവൈത്തിലെ ജാഫർ ബ്രിഡ്ജ് വാക്സിനേഷൻ സെൻറർ. ഞായറാഴ്ച ദിവസം വലിയ തിരക്കാണ് ഇവിടെ അനുഭവപ്പെട്ടത്. ഇതിനിടയിലും കൃത്യമായ നേതൃപാഠവത്തോടെ സെൻൻ്ററിൽ ഉള്ളവർ കാര്യങ്ങൾ കൈകാര്യം ചെയ്തതായി അൽ റായി പത്രം റിപ്പോർട്ട് ചെയ്തു.
രാജ്യത്തെ ഏറ്റവും വലിയ വാക്സിനേഷൻ കേന്ദ്രങ്ങളിലൊന്നായി കണക്കാക്കപ്പെടുന്ന ഇവിടെ, വാക്സിനേഷൻ ചെയ്യാൻ വരുന്ന കാർ ഉടമകൾക്കായി 10 ലെയിനുകൾ ആണുള്ളത്,ഒരു സമയം 80 കാറുകൾ വരെ ഉൾക്കൊള്ളുന്ന മൊത്തം 20 വാക്സിനേഷൻ ബൂത്തുകളാണ് ഇവിടെ പ്രവർത്തിക്കുന്നത്.
