കുവൈത്ത് സിറ്റി: താമസവിസ നിയമലംഘകരായ കുട്ടികൾക്കും കോവിഡ് പ്രതിരോധ വാക്സിൻ നൽകുമെന്ന് കുവൈത്ത് വിദ്യാഭ്യാസ മന്ത്രാലയം. ശനിയാഴ്ച കുട്ടികൾക്ക് വാക്സിൻ നൽകുമെന്ന് മന്ത്രാലയ അധികൃതർ അറിയിച്ചു. മിഷരിഫിലെ വാക്സിനേഷൻ സെന്ററിൽ വച്ചാണ് ഈ വിഭാഗത്തിലുള്ള കുട്ടികൾക്ക് കുത്തിവെപ്പ് നൽകുക. 7-9 ക്ലാസുകളിലെ വിദ്യാർത്ഥികൾക്ക് രാവിലെ 10:00 മുതൽ ഉച്ചയ്ക്ക് 2:00 വരെ വാക്സിനേഷൻ നൽകും. 10-12 ക്ലാസുകളിലെ വിദ്യാർത്ഥികൾക്ക് ഉച്ചയ്ക്ക് 2: 00-5: 00 വരെ വാക്സിനേഷൻ നൽകും.രജിസ്റ്റർ ചെയ്യുന്നതിനും രണ്ടാമത്തെ ഡോസിന് അപ്പോയിന്റ്മെന്റ് ലഭിക്കുന്നതിനും വിദ്യാർത്ഥികൾ അവരുടെ തിരിച്ചറിയൽ അല്ലെങ്കിൽ ജനന സർട്ടിഫിക്കറ്റ് കൊണ്ടുവരണം.
