ഷാര്‍ജ: നാല്‍പതാമത് ഷാര്‍ജ അന്താരാഷ്ട്ര പുസ്തകോത്സവത്തിന് തുടക്കമായി. ഷാര്‍ജ എക്സ്പോ സെന്ററിലാണ് പുസ്തകോത്സവം നടക്കുന്നത്. ഇന്നലെ വൈകിട്ട് നടന്ന ചടങ്ങില്‍ ഷാര്‍ജ ഭരണാധികാരി ഡോ. ശെയ്ഖ് സുല്‍ത്താന്‍ ബിന്‍ മുഹമ്മദ് ആല്‍ഖാസിമി അന്താരാഷ്ട്ര പുസ്തകമേള ഔപചാരികമായി ഉദ്ഘാടനം ചെയ്തു.
ചടങ്ങില്‍ കുവൈറ്റ് നോവലിസ്റ്റും എഴുത്തുകാരനുമായ താലിബ് അല്‍ രിഫായിക്ക് കള്‍ച്ചറല്‍ പേഴ്‌സണാലിറ്റി ഓഫ് ദി ഇയര്‍ അവാര്‍ഡ് സമ്മാനിച്ചു. ഷാര്‍ജ അന്താരാഷ്ട്ര പുസ്തകോല്‍സവത്തിലെ അവാര്‍ഡ് ജേതാക്കളെയും ചടങ്ങില്‍ ആദരിച്ചു. ഷാര്‍ജയുടെ ചരിത്രം പറയുന്ന ശെയ്ഖ് സുല്‍ത്താന്‍ അല്‍ ഖാസിമിയുടെ ഏറ്റവും പുതിയ പുസ്തകത്തിന്റെ പ്രകാശനവും ചടങ്ങില്‍ വച്ച് നടന്നു.
