കുവൈത്ത് സിറ്റി: കുവൈത്തിലുള്ള യുഎസ് സേനയുടെ കൺട്രോൾ ടവറിലെ മോഷ്ടാക്കളെ കണ്ടെത്തുന്നതിനായി രാജ്യത്തെ പൊലീസ് ഊർജിത അന്വേഷണം ആരംഭിച്ചു.അടുത്തിടെ നടന്ന സൈനികാഭ്യാസത്തിന് ശേഷമാണ് ഇത് അപ്രത്യക്ഷമായതെന്ന് പ്രാദേശിക പത്രം റിപ്പോർട്ട് ചെയ്തു.ഉഡാരി പ്രദേശത്തെ തങ്ങളുടെ ക്യാമ്പിൽ നിന്ന് 13 മീറ്റർ ഉയരമുള്ള ടവർ മോഷണം പോയതായി യുഎസ് സൈനിക ഉദ്യോഗസ്ഥർ റിപ്പോർട്ട് ചെയ്തിരുന്നു.ചൊവ്വാഴ്ച യുഎസ് സൈനിക ഉദ്യോഗസ്ഥർ അവരുടെ പോസ്റ്റ് പരിശോധിക്കുന്നതിനിടെയാണ് മോഷണം നടന്നതായി കണ്ടെത്തിയത് എന്ന് ബന്ധപ്പെട്ട വൃത്തങ്ങൾ കൂട്ടിച്ചേർത്തു.
