കുവൈത്ത് സിറ്റി : കുവൈത്തിൽ ദേശീയ, വിമോചന ദിനങ്ങൾ, ഇസ്രാ, മി’ അറാജ്‌ എന്നിവയോട് അനുബന്ധിച്ച്‌ തുടർച്ചയായി 9 ദിവസം അവധി ആയിരിക്കും. ഫെബ്രുവരി 25 നു വെള്ളിയാഴ്ചയാണ് ദേശീയ ദിനം. വിമോചന ദിനം ഫെബ്രുവരി 26 ശനിയാഴ്ചയും . വാരാന്ത്യ അവധി ദിനങ്ങളിലാണു ഇത്തവണ ആഘോഷ ദിനങ്ങൾ വന്നത് എന്നിരിക്കെ ഇതിനു പകരമായി ഫെബ്രുവരി 27,28 ദിവസങ്ങളിൽ പകരം അവധി നൽകും. മാർച്ച്‌ 1 ചൊവ്വാഴ്ചയാണ് ഇസ്രാ’ അ മി’ റാജ്‌ ദിനം.ഈ രണ്ട്‌ അവധി ദിവസങ്ങൾക്കിടയിലുള്ള പ്രവൃത്തി ദിവസങ്ങളായ മാർച്ച്‌ 2,3 തിയ്യതികൾ വിശ്രമ ദിനമായി കണക്കാക്കി തുടർന്നു മാർച്ച്‌ 4, 5 വെള്ളി, ശനി ദിവസങ്ങളിലെ വാരാന്ത്യ അവധി ഉൾപ്പെടെ 9 ദിവസം രാജ്യത്ത്‌ അവധി ആയിരിക്കും. മാർച്ച്‌ 6 ഞായറാഴ്ച മുതൽ പ്രവൃത്തി ദിനം ആരംഭിക്കും
