മീഡിയ വണ്‍ ചാനലിന്റെ സംപ്രേഷണത്തിന് കേന്ദ്രസര്‍ക്കാര്‍ ഏര്‍പ്പെടുത്തിയ വിലക്ക് സ്റ്റേ ചെയ്ത് സുപ്രീംകോടതി. ചാനലിന് പ്രവര്‍ത്തനം തുടരാമെന്ന് സുപ്രീംകോടതി ഉത്തരവിട്ടു. ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചാണ് വിധി പുറപ്പെടുവിച്ചത്.
ഇന്റലിജന്‍സ് റിപ്പോര്‍ട്ട എന്താണെന്ന് അറിയാന്‍ ഹര്‍ജിക്കാര്‍ക്ക് അവകാശമുണ്ട്. ആ അവകാശം സംരക്ഷിക്കപ്പെടണം, ഇപ്പോഴുള്ളത് ഗുരുതരമായ സാഹചര്യമാണ്, ഇതംഗീകരിക്കാന്‍ കഴിയില്ലന്നും കോടതി വ്യക്തമാക്കി. ഇടക്കാല ഉത്തരവ് നല്‍കേണ്ട കേസാണെന്ന് ബോധ്യപ്പെട്ടുവെന്ന് അറിയിച്ച കോടതി ചാനലിന് നേരത്തെ പ്രവര്‍ത്തിച്ചിരുന്നത് പോലെ തന്നെ പ്രവര്‍ത്തിക്കാമെന്ന് വ്യക്തമാക്കി.
