കുവൈത്ത് സിറ്റി: റമദാനിൽ കുവൈത്തിലെ വിദ്യാഭ്യാസ സ്ഥാപനങ്ങളുടെ പ്രവർത്തന സമയം നിശ്ചയിച്ച് വിദ്യാഭ്യാസ മന്ത്രാലയം . വിദ്യാഭ്യാസ അണ്ടർസെക്രട്ടറി ഡോ. അലി അൽ യാക്കൂബ് ആണ് ഇക്കാര്യം അറിയിച്ചത്. കിന്റർഗാർട്ടനുകൾ, പൊതുവിദ്യാഭ്യാസ സ്ഥാപനങ്ങൾ, സ്പെഷ്യൽ സ്കൂൾ , മതപരമായ സ്‌കൂളുകൾ, സ്വകാര്യ അറബ് സ്‌കൂളുകൾ എന്നിവയുടെ സമയക്രമമാണ് പ്രഖ്യാപിച്ചത്.
കിന്റർഗാർട്ടനുകളുടെ പ്രവർത്തന സമയം രാവിലെ 9:15 നും പ്രൈമറി സ്കൂളുകളുടെ പ്രവൃത്തി സമയം ഉച്ചയ്ക്ക് 1.30 നും ഇന്റർമീഡിയറ്റ്, സെക്കൻഡറി സ്കൂളുകളുടെ പ്രവൃത്തി സമയം 2.05 നും ആയിരിക്കും. കിന്റർഗാർട്ടന് 5 പീരിയഡുകൾ, ഇന്റർമീഡിയറ്റ്, പ്രൈമറി, സെക്കൻഡറി വിദ്യാഭ്യാസ തലങ്ങൾക്ക് 6 പീരിയഡുകൾ എന്നിങ്ങനെ നിജപ്പെടുത്തിയിട്ടുണ്ട്.
