കുവൈത്ത് സിറ്റി : കുവൈത്തിൽ നിന്ന് കോവിഡ് പ്രതിരോധ വാക്സിൻ സ്വീകരിച്ചവർ ഇന്ത്യയിലെത്തുമ്പോൾ ഇനി പിസിആർ ടെസ്റ്റ് വേണ്ട. കേന്ദ്ര സർക്കാർ ആണ് ഇതുസംബന്ധിച്ച് വിജ്ഞാപനം പുറത്തിറക്കിയത്. പിസി ആർ ടെസ്റ്റ് ആവശ്യമില്ലാത്ത രാജ്യങ്ങളുടെ പട്ടികയിൽ കുവൈത്തും ഉൾപ്പെട്ടിട്ടുണ്ട് .നേരത്തെ കുവൈത്ത് ഉൾപ്പെടെയുള്ള ചില രാജ്യങ്ങളിൽനിന്നുള്ള യാത്രക്കാർക്കു മാത്രം പിസിആർ ടെസ്റ്റ് നിർബന്ധമാക്കിയിരുന്നു. ഇത് വൻ പ്രതിഷേധത്തിന് ഇടയാക്കി. നേരത്തെ ഇന്ത്യയിൽനിന്ന് 2 ഡോസ് വാക്സീൻ എടുത്തവർക്കു മാത്രമായിരുന്നു ഇളവ് നൽകിയിരുന്നത്.
മറ്റു ജിസിസി രാജ്യങ്ങളിൽനിന്നുള്ളവർക്ക് ഫെബ്രുവരി മുതലും യുഎഇ കുവൈത്ത് എന്നീ രാജ്യങ്ങളിൽ നിന്നുള്ളവർക്ക്‌ ഏപ്രിൽ 2 മുതലും പിസിആർ ഒഴിവാക്കിയിരുന്നു. എന്നാൽ കുവൈത്തിൽ നിന്നുള്ള യാത്രക്കാരുടെ വിഷയത്തിൽ ഇത് നടപ്പായില്ല.
നിബന്ധനകൾ ഇവയാണു.
വാക്സീൻ സ്വീകരിക്കാത്തവർ യാത്രയ്ക്ക് 72 മണിക്കൂറിനകമുള്ള പിസിആർ ടെസ്റ്റ് ഹാജരാക്കണം.
5 വയസ്സിന് താഴെയുള്ളവർക്ക് പിസിആർ ടെസ്റ്റ് വേണ്ട
വാക്സീൻ സർട്ടിഫിക്കറ്റ് എയർ സുവിധ പോർട്ടലിൽ അപ് ലോഡ് ചെയ്യണം.
14 ദിവസത്തിനകം വിദേശ രാജ്യങ്ങൾ സന്ദർശിച്ചിട്ടുണ്ടെങ്കിൽ വിവരം എയർ സുവിധയിൽ രേഖപ്പെടുത്തണം.
നിയമം പാലിക്കാത്തവരെ യാത്ര ചെയ്യാൻ അനുവദിക്കില്ല. അതോടൊപ്പം രോഗലക്ഷണമുള്ളവരെ വിമാനത്താവളത്തിൽ പരിശോധനയ്ക്കു വിധേയരാക്കും.
