ഇത്തവണത്തെ ഈദ് മുജീബിനെ സംബന്ധിച്ച് ഒരിക്കലും മറക്കാനാകാത്ത അത്യപൂർവ്വ സന്തോഷം സമ്മാനിച്ച ഒന്നാണ്. അബുദാബിയിലെ ബിഗ് ടിക്കറ്റ് റാഫിൾ നറുക്കെടുപ്പിൽ 12 ദശലക്ഷം ദിർഹത്തിൻ്റെ സമ്മാനം നേടിയത് അജ്മാനിൽ ട്രക്ക് ഡ്രൈവറായ മുജീബ് ചിറത്തൊടിയാണ്. ഈദിന്റെ രണ്ടാം ദിനമായ മെയ് 3-നായിരുന്നു ഇത്. 229710, എന്നെ ടിക്കറ്റിനാണ് സമ്മാനം ലഭിച്ചത്. മുജീബും 10 സുഹൃത്തുക്കളും ചേർന്നായിരുന്നു ടിക്കറ്റ് എടുത്തത്. എട്ട് ഇന്ത്യക്കാരും രണ്ട് ബംഗ്ലാദേശികളും ഉൾപ്പെടെ 10 പ്രവാസികളാണ് ടിക്കറ്റ് വാങ്ങാൻ പണം നൽകിയത്. കഴിഞ്ഞ ഒരു വർഷമായി ടിക്കറ്റ് എടുക്കുന്നതായി അദ്ദേഹം പറഞ്ഞു.
നറുക്കെടുപ്പിൽ രണ്ടും മൂന്നും സ്ഥാനങ്ങൾ ലഭിച്ചതും ഇന്ത്യക്കാരായ പ്രവാസികക്കാണ്. രണ്ടാം സമ്മാനത്തുകയായ 10 ലക്ഷം ദിർഹം വിശ്വനാഥൻ ബാലസുബ്രഹ്മണ്യനും മൂന്നാം സമ്മാനത്തുകയായ 100,000 ജയപ്രകാശ് നായർക്കും നാലാം സമ്മാനത്തുകയായ 50,000 ഇബ്രാഹിം ഫ്രീഹാത്തിനും ലഭിച്ചു.
