കുവൈത്ത് സിറ്റി: കുവൈത്ത് യൂനിവേഴ്‌സിറ്റിക്കു കീഴിലെ കോളേജ് ഓഫ് അഡ്മിനിസ്‌ട്രേറ്റീവ് സയന്‍സസ്, എഞ്ചിനീയറിംഗ് ആന്റ് പെട്രോളിയം എന്നിവയിൽ വിദേശ വിദ്യാര്‍ഥികള്‍ക്ക് പഠിക്കാന്‍ അവസരം ഒരുങ്ങുന്നു. കുവൈത്ത് യൂനിവേഴ്‌സിറ്റി കൗണ്‍സില്‍ അതിന് ഉടൻ തന്നെ അംഗീകാരം നല്‍കുമെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. ഇതുമായി ബന്ധപ്പെട്ട് യൂനിവേഴ്‌സിറ്റിയിലെ പ്ലാനിംഗ് വിഭാഗം വൈസ് പ്രസിഡന്റ് സമര്‍പ്പിച്ച ശുപാര്‍ശയ്ക്കാണ് കൗണ്‍സില്‍ അംഗീകാരം നല്‍കുക.
