കുവൈത്ത് സിറ്റി: കുവൈത്തിൽ നിന്ന് കോഴിക്കോട്ടേക്കുള്ള എയർ ഇന്ത്യ എക്സ്പ്രസ് ഒക്ടോബർ മുതൽ രണ്ട് ഷെഡ്യൂളുകൾ നിർത്തലാക്കുന്നു. ഞായർ, ചൊവ്വ ദിവസങ്ങളിലെ ഷെഡ്യൂളുകളാണു നിർത്തലാക്കുന്നത്.
തിങ്കൾ, ചൊവ്വ, വ്യാഴം,ശനി, ഞായർ, എന്നീ ദിവസങ്ങളിലാണ് നിലവിൽ സർവ്വീസുകൾ ഉള്ളത്‌. ഇതിൽ ഞായർ, ചൊവ്വ ഷെഡ്യൂളുകൾ റദ്ധാക്കുന്നതോടെ ആഴ്ചയിൽ മൂന്നു ദിവസമായി സർവീസുകൾ കുറയും.
ഒക്റ്റോബർ മാസത്തിൽ ഷെഡ്യൂൾ റദ്ദാക്കുന്ന ദിവസങ്ങളിൽ ടിക്കറ്റ്‌ ബുക്ക് ചെയ്തവർ ഇത് മാറ്റണമെന്ന് എയർ ഇന്ത്യൻ ട്രാവൽ ഏജൻസികൾക്ക്‌ നിർദേശം നൽകിയിട്ടുണ്ട്. അതേസമയം ടിക്കറ്റ്‌ റദ്ധ്‌ ചെയ്യുന്നവർക്ക്‌ പണം തിരികെ നൽകും.
എയർ ഇന്ത്യ എക്സ്പ്രസ്സ്‌ മാത്രമാണു നിലവിൽ കുവൈത്തിൽ നിന്ന് കോഴിക്കോട്ടേക്ക് നേരിട്ട് സർവിസ് നടത്തുന്നത്. ഇതിൽ സർവിസുകൾ കുറയുന്നതോടെ മലബാർ ഭാഗത്തേക്കുള്ള യാത്രക്കാരെ പ്രതികൂലമായി ബാധിക്കും.
