കുവൈത്ത് സിറ്റി : വൻതോതിൽ പ്രാദേശികമായി വാറ്റിയ മദ്യം കൈവശം വെച്ചതിന് പ്രവാസിയെ ഫർവാനിയ പോലീസ് പട്രോളിംഗ് സംഘം അറസ്റ്റ് ചെയ്തു. സുരക്ഷാ വൃത്തങ്ങൾ അനുസരിച്ച്, ഇയാൾ ബസിൽ കയറുന്നതിനിടെയാണ് ഉദ്യോഗസ്ഥർക്ക് സംശയം തോന്നിയത്. തുടർന്ന് ബസ് പരിശോധിച്ചപ്പോൾ 400 കുപ്പി പ്രാദേശികമായി നിർമ്മിച്ച മദ്യം കണ്ടെത്തി. മദ്യം വിൽപന നടത്തുക എന്ന ഉദ്ദേശത്തോടെയായിരുന്നു അത് സൂക്ഷിച്ചതെന്ന് പ്രവാസി സമ്മതിച്ചു.മദ്യം സ്വയം ഉത്പാദിപ്പിക്കുന്നതാണോ അതോ മറ്റേതെങ്കിലും സ്രോതസ്സിൽ നിന്ന് വാങ്ങിയതാണോ എന്നറിയാൻ പ്രതിയെ ഡ്രഗ് കൺട്രോൾ ജനറൽ ഡിപ്പാർട്ട്മെന്‍റിന് കൈമാറി. കൂടുതൽ അന്വേഷണത്തിന് ശേഷം, പ്രതിയെ നാടുകടത്തലിന് റഫർ ചെയ്യും. കൂടാതെ കുവൈറ്റിൽ വീണ്ടും പ്രവേശിക്കുന്നതിൽ നിന്ന് വിലക്കപ്പെട്ട വ്യക്തികളുടെ പട്ടികയിൽ ഇയാളുടെ പേരും ചേർക്കും.
