കുവൈറ്റ് സിറ്റി : ക്യാപിറ്റൽ ഗവർണറേറ്റിലെ പ്രശസ്തമായ പഞ്ചനക്ഷത്ര ഹോട്ടലിൽ താമസിക്കുന്നതിനിടെ 1000 ദിനാറിലധികം വിലയുള്ള ആഡംബര ബ്രേസ്‌ലെറ്റ് മോഷണം പോയതായി 26 കാരിയായ യുവതി പരാതി നൽകി. അതേസമയം, ബ്രേസ്‌ലെറ്റ് എങ്ങനെ മോഷ്ടിക്കപ്പെട്ടുവെന്നോ ഹോട്ടലിൻ്റെ പൊതുസ്ഥലത്താണോ മുറിക്കുള്ളിൽ നിന്നാണോ മോഷണം നടന്നതെന്ന കൃത്യമായ വിശദാംശങ്ങൾ യുവതി നൽകിയിട്ടില്ല. അന്വേഷണത്തിൻ്റെ ഭാഗമായി, മോഷണത്തിന് ഉത്തരവാദിയായ വ്യക്തിയെ തിരിച്ചറിയാൻ ഹോട്ടലിലെ നിരീക്ഷണ ദൃശ്യങ്ങൾ അവലോകനം ചെയ്യുന്ന കാര്യം പരിഗണനയിലുണ്ട്. അന്വേഷണം ആരംഭിച്ചു.
