കുവൈത്ത് സിറ്റി : പ്രധാനമന്ത്രി ഷെയ്ഖ് സബ ഖാലിദ് അൽ ഹമദ് അൽ സബയുടെ അധ്യക്ഷതയിൽ കുവൈത്ത് മന്ത്രിസഭയുടെ പ്രതിവാര യോഗം ചേർന്നു. രാജ്യത്ത് വർദ്ധിച്ചുവരുന്ന കോവിഡ് കേസുകൾ മരണങ്ങൾ തുടങ്ങി മഹാമാരിയുടെ ഏറ്റവും പുതിയ അവസ്ഥയെക്കുറിച്ച് ആരോഗ്യമന്ത്രി അഭിസംബോധന ചെയ്തപ്പോൾ മന്ത്രിമാർ കടുത്ത ആശങ്ക പ്രകടിപ്പിച്ചു. ആരോഗ്യ ആവശ്യകതകൾ പാലിക്കുന്നതിൽ ജനങ്ങളിൽ അസാധാരണമായ മന്ദതയും അലംഭാവവും ഉണ്ട് ഇത് രാജ്യത്ത് രണ്ടാമത്തെ മഹാമാരി തരംഗത്തിന് കാരണമാവുമെന്ന ആശങ്ക പ്രകടിപ്പിക്കുകയും ചെയ്തു. ഈ സാഹചര്യത്തിൽ, ആവശ്യമായ എല്ലാ മുൻകരുതലുകളും സ്വീകരിക്കണമെന്നും പകർച്ചവ്യാധി ബാധിക്കാതിരിക്കാൻ ജാഗ്രത പാലിക്കണമെന്നും മന്ത്രിസഭ പൗരന്മാരോടും താമസക്കാരോടും അഭ്യർത്ഥിച്ചു. അടച്ചിടൽ മൂലം ബുദ്ധിമുട്ടിലായ ചെറുകിട-ഇടത്തരം നഷ്ടപരിഹാരം നൽകുന്നതിന് നാഷണൽ ഉപയോഗിക്കുന്നതിനും സർക്കാർ അനുമതി നൽകി.
