കുവൈത്ത് സിറ്റി: കുവൈത്തിൽ ഭാഗിക കർഫ്യൂ റമദാൻ അവസാനം വരെ തുടരും. . തിങ്കളാഴ്ച ചേർന്ന മന്ത്രിസഭ യോഗത്തിലാണ് ഇതുസംബന്ധിച്ച് തീരുമാനമായത് . രാത്രി ഏഴു മണി മുതൽ പുലർച്ചെ അഞ്ചു മണി വരെയാണ് കർഫ്യൂ. നേരത്തെ നിശ്ചയിച്ച പ്രകാരം രാത്രി പത്തുവരെ റെസിഡൻഷ്യൽ ഏരിയയിൽ നടക്കാനും അനുമതിയുണ്ട്. ഭക്ഷണ ശാലകളിൽ നിന്നും രാത്രി ഏഴുമുതൽ പുലർച്ചെ മൂന്നുവരെ അനുവദിച്ചിരിക്കുന്ന ഹോം ഡെലിവറിയും തുടരും . ഏപ്രിൽ 22 വരെയായിരുന്നു നേരത്തെ കർഫ്യൂ പ്രഖ്യാപിച്ചിരുന്നത്.
