സംസ്ഥാന സർക്കാർ വിലകൊടുത്തുവാങ്ങുന്ന കോവിഡ് വാക്സിനുകൾ ഇന്നെത്തും. മൂന്നര ലക്ഷം ഡോസ് കോവിഡ് വാക്‌സിനുകളാണ് ഇന്ന് നെടുമ്പാശ്ശേരി വിമാനത്താവളത്തിലെത്തുക. സിറം ഇൻസ്റ്റിറ്റ്യൂട്ടിൽനിന്നുള്ള കോവിഷീൽഡ് വാക്‌സിന്റെ ആദ്യ ബാച്ചാണ് ഉച്ചയോടെ എത്തുന്നത്. 18നും 45നും ഇടയിൽ പ്രായമുള്ള ഗുരുതര രോഗമുള്ളവർക്കാണ് വാക്സിനേഷനില് മുൻഗണന നൽകുക.
ഈ വിഭാഗക്കാർക്ക് മെയ് ഒന്നുമുതല് തന്നെ കുത്തിവയ്പ്പ് ആരംഭിച്ചിരുന്നെങ്കിലും വാക്‌സിൻ ക്ഷാമം രൂക്ഷമായതോടെ ഇത് കാര്യക്ഷമമായിരുന്നില്ല. അതിനാലാണ് അവര്‍ക്ക് മുന്‍ഗണന നല്‍കുന്നത്. ഇതോടൊപ്പം ബസ് ജീവനക്കാർ, കടകളിൽ ജോലി ചെയ്യുന്നവർ, മാധ്യമപ്രവർത്തകർ അടക്കം സമൂഹവുമായി അടുത്തിടപഴകുന്ന വിഭാഗങ്ങള്‍ക്കും ആദ്യ ഘട്ടത്തിൽ വിതരണം ചെയ്യാൻ ആലോചിക്കുന്നുണ്ട്.
