കുവൈത്ത് സിറ്റി: കാസർഗോഡ് ജില്ലയിലെ കോവിഡ് രോഗികൾക്ക് ആശ്വാസമായി കാസർഗോഡ് ജില്ലാ അസോസിയേഷൻ കെ ഇ എ കുവൈത്ത് ഗ്ലോബൽ ഇൻറർനാഷണൽ കമ്പനിയുടെ സഹകരണത്തോടെ സമാഹരിച്ച ഓക്സിജൻ സിലിണ്ടറുകൾ കാസഗോഡ് ജില്ലയിലേക്ക് കയറ്റി അയച്ചു .
എല്ലാ ഏരിയ കമ്മിറ്റികളുടെയും , സഹകരണത്തോട് കൂടി സംഘടിപ്പിച്ച ഓക്സിജൻ സിലിണ്ടർ ചലഞ്ച് ചുരുങ്ങിയ ദിവസങ്ങൾ ക്കുള്ളിൽ തന്നെ പൂർത്തീകരിക്കുവാൻ സംഘടനക്ക് സാധിച്ചു. എയർ കാർഗോ വഴി നാട്ടിലേക്ക് എത്തിക്കുന്ന സിലാണ്ടറുകൾ ഇന്ന് ജൂലയ്യയിൽ വെച്ച് നടന്ന ചടങ്ങിൽ കൈമാറി. പാട്ട്രൻ മഹമൂദ് അപ്സര , രാമകൃഷ്ണൻ കള്ളാർ , മുനീർ കുനിയ, സുബൈർ കാടങ്കോട് , ഹനീഫ് പാലായി , മൊയ്‌ദു ഉദുമ , സി എച്ച് മുഹമ്മദ് കുഞ്ഞ് എന്നിവർ പങ്കെടുത്തു.
എയർ കാർഗോ വഴി കൊച്ചയിൽ എത്തിക്കുന്ന സിലിണ്ടറുകൾ സംസ്ഥാന ആരോഗ്യ വകുപ്പ് സ്വീകരിച്ചതിന്ന് ശേഷം കാസർഗോഡ് ജില്ലാ ആരോഗ്യവകുപ്പും കാസർഗോഡ് അസോസിയേഷൻ കുവൈറ്റ് പ്രസിഡന്റ്‌ പി എ നാസറും ഏറ്റുവാങ്ങി കാസർഗോഡ് ജില്ലയിൽ എത്തിക്കും. ശേഷം കാസർഗോഡ് ജില്ലയിലെ വിവിധ ഗവർമെന്റ് ആശുപത്രകളിൽ വിതരണം ചെയ്യും
