കുവൈത്ത് സിറ്റി: കുവൈത്ത് പ്രധാനമന്ത്രി ഷെയ്ഖ് സബ ഖാലിദ് അൽ ഹമദ് അൽ സബ രാജ്യത്തെ നിരവധി സർക്കാർ ആശുപത്രികളിൽ
ചൊവ്വാഴ്ച സന്ദർശനം നടത്തി, കൊറോണ വൈറസിനെ നേരിടാനുള്ള പ്രതിരോധ നടപടികൾ വിലയിരുത്തുന്നതിനും, ആരോഗ്യ സ്ഥാപനങ്ങളിൽ പുരോഗമിച്ചുകൊണ്ടിരിക്കുന്ന പ്രവർത്തനങ്ങൾ നിരീക്ഷിക്കുന്നതിനും വേണ്ടിയായിരുന്നു ഇത്. ആരോഗ്യമന്ത്രി ഷെയ്ഖ് ഡോ. ബേസിൽ അൽ സബ, ആരോഗ്യ മന്ത്രാലയം അണ്ടർസെക്രട്ടറി ഡോ. മുസ്തഫ റെഡ എന്നിവർ പ്രധാനമന്ത്രിയെ അനുഗമിച്ചു. മുൻനിര പോരാളികളായ ആരോഗ്യപ്രവർത്തകരുടെ കർമ്മനിരതമായ പ്രവർത്തനങ്ങൾക്ക് പ്രധാനമന്ത്രി നന്ദി പറഞ്ഞു.
