ഡൽഹി സെൻട്രൽ ബോർഡ് ഓഫ് സെക്കൻഡറി എഡ്യൂക്കേഷൻ സിബിഎസ്ഇ, പ്ലസ് ടു ഫലങ്ങൾ ഇന്ന് ഉച്ചയ്ക്ക് 2 മണിക്ക് പ്രഖ്യാപിക്കും. 13 അംഗ പാനൽ നിശ്ചയിച്ച പ്രകാരം 10, 11 ക്ലാസുകളിലെ വാര്‍ഷിക പരീക്ഷകളുടെ മാര്‍ക്കിന് 30% വീതവും പന്ത്രണ്ടാം ക്ലാസിലെ പ്രീ ബോര്‍ഡ് പരീക്ഷയുടെ മാര്‍ക്കിന് 40%വും വെയിറ്റേജ് നല്‍കും. അതായത്, 30:30:40 എന്ന അനുപാതത്തില്‍ വെയിറ്റേജ് നല്‍കും. സിബിഎസ്ഇ പ്ലസ് ടു പരീക്ഷയിൽ വിദ്യാർഥികളുടെ റോൾ നമ്പർ കഴിഞ്ഞ ദിവസം പുറത്ത് വിട്ടിരുന്നു. പരീക്ഷ ഫലങ്ങൾ ഉടൻ പ്രഖ്യാപിക്കുമെന്നും സിബിഎസ്ഇ ജൂലൈ 28 ന് അറിയിച്ചിരുന്നു. ഫലങ്ങൾ ഉടൻ പ്രഖ്യാപിക്കുമെന്ന് അറിയിച്ചെങ്കിലും കൃത്യമായ തീയതി വ്യക്തമാക്കിയിട്ടില്ലായിരുന്നു. അതെ സമയം സിബിഎസ്ഇ പത്താം ക്ലാസ് പരീക്ഷ ഫലങ്ങൾ ആഗസ്റ്റ് 1 ന് പ്രഖ്യാപിക്കുമെന്നാണ് പ്രതീക്ഷിക്കുന്നത്
