മാര്‍ട്ടിൻ പ്രക്കാട്ട് സംവിധാനം ചെയ്ത് മലയാളികൾ ഇരുകൈയ്യും നീണ്ടി സ്വീകരിച്ച നായാട്ട് എന്ന ചിത്രം സ്വീഡിഷ് അന്താരാഷ്‍ട്ര ചലച്ചിത്രോത്സവത്തിലും ധാക്ക അന്താരാഷ്‍ട്ര ചലച്ചിത്രോത്സവത്തിലും തെരഞ്ഞെടുക്കപ്പെട്ടു. പ്രധാന കഥാപാത്രത്തെ അവതരിപ്പിച്ച കുഞ്ചാക്കോ ബോബൻ ആണ് ഇക്കാര്യം സാമൂഹ്യ മാധ്യമം വഴി പങ്കുവെച്ചത്. ജോജു ജോജ്, നിമിഷ സജയൻ, ജാഫര്‍ ഇടുക്കി, അനില്‍ നെടുമങ്ങാട്, യെമ, അഭിലാഷ് വിജയ്, അജിത് കോശി തുടങ്ങിയവരാണ് മറ്റ് അഭിനേതാക്കൾ. രഞ്‍ജിത്, പി എം ശശിധരൻ, മാര്‍ട്ടിൻ പ്രക്കാട് എന്നിവര്‍ ചേര്‍ന്നാണ് സിനിമ നിര്‍മിച്ചത്. മഹേഷ് നാരായണൻ എഡിറ്റിംഗ് നിർവഹിച്ച ചിത്രത്തിന് സംഗീതം നൽകിയത് വിഷ്‍ണു വിജയിയാണ്. ഷൈജു ഖാലിദ് ഛായാഗ്രഹം നിർവഹിച്ച ചിത്രത്തിൻറെ തിരക്കഥ രചിച്ചത് ഷഹി കബീറാണ്.
