ഇരു ഹറമുകളിലും പ്രവേശനം അനുവദിക്കുന്നതിന് കുട്ടികൾക്കുള്ള പ്രായപരിധി സൗദി ഹജ്ജ് മന്ത്രാലയം നിശ്ചയിച്ചു. അഞ്ചു വയസിന് മുകളിലുള്ള കുട്ടികളെ മാത്രമേ ഇരുഹറം പള്ളികളില്‍ പ്രവേശിപ്പിക്കുകയുള്ളൂ. പ്രവേശനത്തിന് പ്രത്യേക പ്രായപരിധി ഇല്ലെന്നാണ് മന്ത്രാലയം നേരത്തെ അറിയിച്ചിരുന്നത്. അതേ സമയം കുട്ടികളുടെ പ്രായ പരിധി സംബന്ധിച്ച അവ്യക്തത നിലനിന്നിരുന്നു. ഈ സാഹചര്യത്തിലാണ് കുട്ടികളുടെ പ്രായപരിധി സംബന്ധിച്ച് മന്ത്രാലയം വിശദീകരണം നല്‍കിയത്.ആരോഗ്യ – സുരക്ഷാ പ്രശ്‌നങ്ങളെ മുന്‍ നിര്‍ത്തിയാണ് അഞ്ചു വയസിന് മുകളിലുള്ള കുട്ടികള്‍ക്ക് മാത്രമേ പ്രവേശനം അനുവദിക്കൂവെന്ന് മന്ത്രാലയം അറിയിച്ചിരിക്കുന്നത്. കുട്ടികള്‍ വാക്‌സിന്‍ എടുക്കുകയും തവക്കല്‍ന ആപ്പില്‍ ഇമ്മ്യൂണ്‍ സ്റ്റാറ്റസ് നിലനിര്‍ത്തുകയും ചെയ്യണം. എന്നാല്‍ മാത്രമേ അനുമതി ലഭിക്കൂ എന്നും മന്ത്രാലയം നിര്‍ദ്ദേശം നല്‍കി.
