സർക്കാർ ആശുപത്രികൾക്കും പ്രാഥമികാരോഗ്യ കേന്ദ്രങ്ങൾക്കുമുള്ള കോവിഡ് പെരുമാറ്റ ചട്ടം കുവൈത്ത് പരിഷ്കരിച്ചു

കുവൈത്ത് സിറ്റി: കുവെെത്തിലെ സർക്കാർ ആശുപത്രികൾക്കും പ്രാഥമികാരോഗ്യ കേന്ദ്രങ്ങൾക്കുമുള്ള കൊവിഡ് പെരുമാറ്റ ചട്ടം പരിഷ്കരിച്ചു. ഇവിടങ്ങളിൽ ചികിത്സക്കായി എത്തുന്നവർ സ്വീകരിക്കേണ്ട നടപടിക്രമങ്ങളാണ് പുതുക്കിയിരിക്കുന്നത്

കുവെെത്ത് ആരോഗ്യ മന്ത്രാലയം ആണ് ഇക്കാര്യം അറിയിച്ചത്. രാജ്യത്തെ കോവിഡ് സാഹചര്യം വലിയ രീതിയിൽ  മെച്ചപ്പെട്ട സാഹചര്യത്തിലാണ് ഇത്തരത്തിലൊരു തീരുമാനം. കോവിഡ് ചികിത്സക്കായി ഉപയോഗിക്കാവുന്ന മരുന്നുകളുടെ പട്ടികയും മന്ത്രാലയം പുറത്തുവിട്ടു.

കൊവിഡ് രോഗികൾക്ക് വേണ്ടിയുള്ള പ്രത്യേക കാത്തിരിപ്പ് കേന്ദ്രങ്ങൾ ഒഴിവാക്കി. കൊവിഡിന് മുമ്പുള്ള കാത്തിരിപ്പ് കേന്ദ്രം എങ്ങനെയായിരുന്നു അതുപോലെ ആയിരിക്കും ഇനി. ചികിത്സക്കോ ആശുപത്രിയിൽ പ്രവേശിക്കുന്നതിനോ ഇനി കൊവിഡ് പ്രോട്ടോകോൾ പാലിക്കേണ്ട ആവശ്യം വരുന്നില്ല.

രോഗി കൊവിഡ് ലക്ഷണങ്ങൾ പ്രകടിപ്പിക്കുകയാണെങ്കിൽ മാത്രം പരിശോധന നടത്തിയാൽ മതിയാകും. കൊവിഡ് രോഗിയുമായി സമ്പർക്കത്തിലാകുന്ന ആളുകൾക്ക് ക്വാറൻറീൻ ഒഴിവാക്കിയിട്ടുണ്ട്. ഇവർക്ക് രോഗ ലക്ഷണങ്ങൾ ഉണ്ടെങ്കിൽ മാത്രം പരിശോധിച്ചാൽ മതിയാകും. അല്ലെങ്കിൽ പരിശോധിക്കുന്ന രീതി പൂർണ്ണമായും മാറ്റിയിട്ടുണ്ട്. കൂടാതെ കൊവിഡ് ചികിത്സക്ക് ഉപയോഗപ്പെടുത്താവുന്ന 10 മരുന്നുകളുടെ പോരുവിരങ്ങൾ മന്ത്രാലയം പുറത്തുവിട്ടിട്ടുണ്ട്.