കുവൈത്ത് സിറ്റി : 10 ദിവസത്തെ ഈദ് അവധിക്കാലത്ത് 2800 വിമാനങ്ങളിലായി ഏകദേശം 352,000 യാത്രക്കാർ കുവൈത്ത് അന്താരാഷ്ട്ര വിമാനത്താവളം വഴി സഞ്ചരിക്കുമെന്ന് പ്രതീക്ഷിക്കുന്നതായി ഔദ്യോഗിക വൃത്തങ്ങളെ ഉദ്ധരിച്ച് പ്രാദേശിക മാധ്യമങ്ങൾ റിപ്പോർട്ട് ചെയ്തു.
ഈദുൽ ഫിത്തർ അവധിക്കാലത്ത് കുവൈത്ത് അന്താരാഷ്ട്ര വിമാനത്താവളത്തിൽ നിന്നുള്ള യാത്രക്കാരുടെയും വിമാനങ്ങളുടെയും യാത്ര പ്രതീക്ഷിക്കുന്ന സ്ഥിതിവിവരക്കണക്കുകൾ പ്രകാരം, ഈ മാസം 28 മുതൽ മെയ് 7 വരെ ഏകദേശം 208,000 യാത്രക്കാർ 1,400 വിമാനങ്ങളിലായി കുവൈത്തിൽ നിന്നും യാത്ര ചെയ്യുമ്പോൾ , 1,44,000 യാത്രക്കാർ 1,400 വിമാനങ്ങളിലായി കുവൈത്തിലേക്ക് എത്തും .
.
