കുവൈത്ത് സിറ്റി: മോശം കാലാവസ്ഥയെ വകവയ്ക്കാതെ, വിശ്വാസികൾ ഒന്നടങ്കം രാവിലെ തന്നെ രാജ്യത്തെ വിവിധ പള്ളികളിലും ഈദ്ഗാഹിലും ഈദ് അൽ-ഫിത്തർ പ്രാർത്ഥന നടത്തി. ഔഖാഫ്, ഇസ്‌ലാമിക കാര്യ മന്ത്രാലയം സംഘടിപ്പിച്ച ഈദ്ഗാഹിൽ വിശ്വാസികളുടെ വൻ തിരക്കാണ് അനുഭവപ്പെട്ടത്. പൊടിക്കാറ്റ് പ്രതികൂല സാഹചര്യം സൃഷ്ടിച്ചു എങ്കിലും വിശ്വാസികൾ സുരക്ഷിതരാണെന്നും ഗതാഗതം സുഗമമായി നടക്കുന്നുണ്ടെന്നും ആഭ്യന്തര മന്ത്രാലയം ഉറപ്പാക്കി. കൂടാതെ, അപകടകരമായ സാഹചര്യങ്ങൾ നേരിടാൻ അഗ്നിശമന സേനാംഗങ്ങളും മെഡിക്കൽ ഉദ്യോഗസ്ഥരും എല്ലാ സ്ഥലങ്ങളിലും വിന്യസിച്ചിരുന്നു.
