കുവൈത്ത് സിറ്റി : ഇന്ത്യ – കുവൈത്ത് നയതന്ത്രബന്ധത്തിൽ അറുപതാം വാർഷിക ആഘോഷത്തിൻ്റെ ഭാഗമായി കുവൈത്തിൽ സംഘടിപ്പിച്ച ഇന്ത്യൻ കൈത്തറി വസ്ത്ര പ്രദർശനം അംബാസഡർ സിബി ജോർജ് ഉദ്ഘാടനം ചെയ്തു. കുവൈത്തിലെ സദു ഹൗസിലാണ് പ്രദർശനം നടക്കുന്നത്.
തുണി വ്യവസായത്തിൽ, പ്രത്യേകിച്ച് കൈത്തറി മേഖലയിൽ ഇന്ത്യയും കുവൈത്തും തമ്മിലുള്ള ശക്തമായ ബന്ധം കാണാൻ കഴിയുന്ന സ്ഥലമാണ് സദു ഹൗസ് മ്യൂസിയം എന്ന് അദ്ദേഹം തൻ്റെ പ്രസംഗത്തിൽ പറഞ്ഞു. സദു ഹൗസിൽ ഈ പ്രദർശനം നടത്തുന്നതിനാവശ്യമായ എല്ലാവിധ പിന്തുണയും നൽകിയ NCCAL നും സദു ഹൗസിനും അദ്ദേഹം നന്ദി പറഞ്ഞു .
. തുണിത്തരങ്ങളുടെയും വസ്ത്രങ്ങളുടെയും കയറ്റുമതിയിൽ ലോകത്തിലെ രണ്ടാമത്തെ വലിയ രാജ്യമാണ് ഇന്ത്യ. കയറ്റുമതി വരുമാനത്തിൽ ഇന്ത്യൻ തുണിത്തരങ്ങളും വസ്ത്ര വ്യവസായവും 12% സംഭാവന നൽകുന്നതോടൊപ്പം വസ്ത്രങ്ങളുടെയും ആഗോള വ്യാപാരത്തിന്റെ 5% രാജ്യം കൈവശം വയ്ക്കുന്നു. 2026 സാമ്പത്തിക വർഷത്തോടെ ഇത് 190 ബില്യൺ യുഎസ് ഡോളറായി വളരുമെന്ന് പ്രതീക്ഷിക്കുന്നതായും അംബാസഡർ പറഞ്ഞു
ഈ ആധുനിക ടെക്സ്റ്റൈൽ വ്യവസായത്തിൽ, ഇന്ത്യയുടെ കൈത്തറി മേഖല ഒരു സുപ്രധാന സ്ഥാനം തുടരുന്നു. ആറ് ദശലക്ഷത്തിലധികം ആളുകൾ പ്രത്യക്ഷമായും പരോക്ഷമായും ഉൾപ്പെട്ടിരിക്കുന്നതിനാൽ, കൃഷി കഴിഞ്ഞാൽ ഇന്ത്യയിലെ ഗ്രാമീണ ജനതയ്ക്ക് ഏറ്റവും വലിയ രണ്ടാമത്തെ തൊഴിൽ ദാതാവാണ് കൈത്തറി വ്യവസായം. ഇന്ത്യയിൽ നിന്നുള്ള കൈത്തറി ഉൽപന്നങ്ങളുടെ കയറ്റുമതി ഏകദേശം 350 മില്യൺ യുഎസ് ഡോളറാണ്
