മുന്‍ കേന്ദ്രമന്ത്രി പ്രകാശ് ജാവേദ്കര്‍ക്ക് കേരളത്തിലെ ബി ജെ പിയുടെ സംഘനാ ചുമതല ( പ്രഭാരി) നല്‍കി. രാധാമോഹന്‍ അഗര്‍വാളാണ് കേരളത്തിന്റെ സഹപ്രഭാരി.ലക്ഷദ്വീപിന്റെ ചുമതലയിൽ നിന്നും അബ്ദുള്ള കുട്ടിയെ നീക്കുകയും ചെയ്തു. മലയാളിയായ അരവിന്ദ് മേനോന് തെലങ്കാനയുടെ സഹചുമതല നല്‍കി.
ബി.ജെ.പിയിലെ മുതിർന്ന നേതാക്കൾക്കാണ് കേരളം, ഗുജറാത്ത്, പഞ്ചാബ്, തെലങ്കാന, ചണ്ഡീഗഡ് എന്നീ സംസ്ഥാനങ്ങളുടെ ചുമതല നൽകിയിരിക്കുന്നത്. വടവടക്ക് കിഴക്കന്‍ സംസ്ഥാനങ്ങളിലെയും പ്രഭാരിമാരെയും സഹപ്രഭാരിമാരെയും പ്രഖ്യാപിച്ചിട്ടുണ്ട്. ത്രിപുര മുന്‍ മുഖ്യമന്ത്രി ബിപ്ലബ് കുമാര്‍ ദേബാണ് ഹരിയാനയുടെ പ്രഭാരി. മുരളീധര്‍ റാവുവിനാണ് മദ്ധ്യപ്രദേശിന്റെ ചുമതല.
