സമരവീര്യങ്ങളുടെ നിത്യ യൗവനത്തിന് ഇന്ന് 99-)0 പിറന്നാൾ. സിപിഐ എമ്മിന്റെ സ്ഥാപകനേതാവും വി എസ് മുൻ മുഖ്യമന്ത്രിയുമായ വി എസ് അച്യുതാനന്ദൻ്റെ ജന്മദിനം പ്രമാണിച്ച്‌ ആഘോഷ പരിപാടികൾ ഒന്നുമില്ല .
നാലുവർഷംമുമ്പ് ഒക്ടോബറിൽ പക്ഷാഘാതംവന്ന ശേഷം മാത്രമാണ് അദ്ദേഹം പൊതുജനമധ്യത്തിൽ നിന്ന് വിട്ടു പൂർണ്ണ വിശ്രമത്തിലേക്ക് പോയത്. അതു വരെ കേരളത്തിലെ ഏറ്റവും ഊർജസ്വലനായ നേതാവായിരുന്നു പുന്നപ്ര വയലാർ സമര നായകൻ. തിരുവനന്തപുരം ബാർട്ടൺഹില്ലിൽ മകൻ വി എ അരുൺകുമാറിന്റെ വീട്ടിൽ വിശ്രമത്തിലാണ്‌ വി എസ് ഇന്ന്.
മുഖ്യമന്ത്രി, പ്രതിപക്ഷ നേതാവ്, നിയമസഭാ സാമാജികൻ, ഭരണപരിഷ്‌കാര കമീഷൻ അധ്യക്ഷൻ, സിപിഐ എം പോളിറ്റ് ബ്യൂറോ അംഗം, സംസ്ഥാന സെക്രട്ടറി, ദേശാഭിമാനി പത്രാധിപർ തുടങ്ങിയ പദവികൾ വഹിച്ചു.
ആലപ്പുഴ പുന്നപ്ര വെന്തലത്തറവീട്ടിൽ ശങ്കരന്റെയും അക്കമ്മയുടെയും മകനായി 1923 ഒക്ടോബർ 20 നായിരുന്നു ജനനം. 1939-ൽ സ്റ്റേറ്റ് കോൺഗ്രസിൽ ചേർന്ന വി എസ് 1940ൽ പതിനേഴാം വയസ്സിലാണ്‌ കമ്യൂണിസ്റ്റ് പാർടിയിൽ അംഗമായത്‌.
