ശബരിമലയില്‍ മാളികപ്പുറം ക്ഷേത്രത്തിന് സമീപത്ത് വെടിമരുന്നിന് തീപിടിച്ച് അപകടം. കതിനയില്‍ വെടി നിറക്കുന്നതിനിടെയാണ് അപകടം ഉണ്ടായത്.മൂന്നു പേര്‍ക്ക് പരിക്കേറ്റതായാണ് റിപ്പോർട്ട്. ഇതിൽ ഒരാളുടെ നില ഗുരുതരമാണ് .അപകടത്തില്‍ പരുക്കേറ്റ മൂന്നുപേരെയും സന്നിധാനത്തെ ആശുപത്രിയില്‍ പ്രവേശിപ്പിച്ചു.
സന്നിധാനത്തെ ഫയര്‍ഫോഴ്‌സ് സംഘവും പൊലീസും സ്ഥലത്ത് എത്തിയിട്ടുണ്ട്. സംഭവത്തെ തുടർന്ന് മാളികപ്പുറത്തേക്ക് എത്തുന്ന ഭക്തരെ നിയന്ത്രിച്ചിട്ടുണ്ട്. അപകടത്തെക്കുറിച്ച് ദേവസ്വം ബോര്‍ഡ് അന്വേഷിക്കും. വലിയ ശബ്ദത്തോടെയുള്ള പൊട്ടിത്തെറിയാണ് ഉണ്ടായതെന്ന് ഭക്തര്‍ പറയുന്നു. പരുക്ക് പറ്റിയ മൂന്നു പോരെയും സന്നദ്ധസംഘടനകളാണ് ആശുപത്രിയിലേക്ക് മാറ്റിയത്.
