കുവൈറ്റ് സിറ്റി: എട്ട് ഏഷ്യൻ, ആഫ്രിക്കൻ രാജ്യങ്ങളിൽ നിന്നുള്ള 680 പ്രവാസികളെ നാടുകടത്തിയതായി ആഭ്യന്തര മന്ത്രാലയത്തിലെ പബ്ലിക് റിലേഷൻസ് ആൻഡ് സെക്യൂരിറ്റി മീഡിയ വിഭാഗം അറിയിച്ചു.മെയ് 27 മുതൽ മെയ് 29 വരെയുള്ള മൂന്ന് ദിവസത്തിനുള്ളിൽ നാടുകടത്തിയവരുടെ കണക്കാണ് ഇത് . തൽഹ ജയിലിൽ പാർപ്പിച്ചിരുന്ന ഇവരെ നാടുകടത്തുന്നതിന് മുമ്പ് വിരലടയാളവും ഫോട്ടോയും ശേഖരിച്ച് ബന്ധപ്പെട്ട എല്ലാ നടപടിക്രമങ്ങളും റെക്കോർഡ് സമയത്തിനുള്ളിൽ പൂർത്തിയാക്കി നാടുകടത്തിയതായി സുരക്ഷാ വൃത്തങ്ങൾ പ്രാദേശിക ദിനപത്രത്തോട് പറഞ്ഞു.
