കുവൈറ്റ് സിറ്റി: ഫ്രൈഡേഫോറം കുവൈറ്റ്, നജാത്ത് ചാരിറ്റിയുടെയും ഇന്ത്യൻ ഡോക്‌ടേഴ്‌സ് ഫോറത്തിൻ്റെയും സഹകരണത്തോടെ 26/02/2024 ന് അംങ്കാര ബാച്ചിലർ സിറ്റിയിൽ തൊഴിലാളികൾക്കായി സൗജന്യ മെഡിക്കൽ ക്യാമ്പ് നടത്തി.
കുവൈറ്റിലെ ഹലാ ഫെബ്രുവരി ആഘോഷങ്ങളുടെ ഭാഗമായുള്ള വാർഷിക പരിപാടിയാണിത്.
ഇന്ത്യൻ ഡെൻ്റൽ അലയൻസ് കുവൈത്തും ഇന്ത്യൻ ഫാർമസിസ്റ്റ് അസോസിയേഷനും ക്യാമ്പിൽ പങ്കാളികളായിരുന്നു.
വിവിധ സ്‌പെഷ്യാലിറ്റികളിൽ നിന്നുള്ള 25 ഡോക്ടർമാർ, ഫാർമസിസ്‌റ്റുകൾ, നഴ്‌സുമാർ, ലാബ് ടെക്‌നീഷ്യൻമാർ എന്നിവർ ക്യാമ്പിൽ പങ്കെടുത്തു. ഇ.സി.ജി., അൾട്രാസൗണ്ട് സ്‌കാനിംഗ്, ബ്ലഡ് ഷുഗർ, ബ്ലഡ് പ്രഷർ തുടങ്ങിയ പരിശോധനകൾക്കുള്ള സൗകര്യങ്ങൾ ക്രമീകരിച്ചു. സൗജന്യ മരുന്നുകളും വിതരണം ചെയ്തു.
700 ഓളം രോഗികൾക്ക് ക്യാമ്പിൻ്റെ പ്രയോജനം ലഭിച്ചു.
ഇന്ത്യൻ എംബസിയിലെ ലേബർ വെൽഫെയർ ഫസ്റ്റ് സെക്രട്ടറി മനസ് രാജ് പട്ടേൽ മുഖ്യാതിഥിയായിരുന്നു.
ഇസ്‌ലാമിക് പ്രസൻ്റേഷൻ കമ്മിറ്റി മാനേജർ അമ്മാർ അൽകന്ദരി, ഇന്ത്യൻ ഡോക്‌ടേഴ്‌സ് ഫോറം പ്രസിഡൻ്റ് ഡോ.ദിവാകർ എന്നിവർ ഐ.ഡി.എഫ്, ഐ.ഡി.എ.കെ, ഐ.പി.എഫ് എന്നിവർക്ക് മെമെൻ്റോകൾ സമ്മാനിച്ചു.
ഫ്രൈഡേ ഫോറം കുവൈറ്റ് പ്രസിഡൻ്റ് മുഹമ്മദ് ഷബീർ ക്യാമ്പിലെ എല്ലാ ഉദ്യോഗസ്ഥർക്കും സന്നദ്ധ പ്രവർത്തകർക്കും നന്ദി പറഞ്ഞു.
