കുവൈറ്റ് സിറ്റി: പ്രമുഖ റീട്ടെയിലറായ ലുലു ഹൈപ്പർമാർക്കറ്റ് നടത്തിയ ഹാല ഷോപ്പ് ആൻഡ് വിൻ’ പ്രമോഷനിലെ വിജയികൾക്കുള്ള സമ്മാന വിതരണം ചെയ്തു. ഫെബ്രുവരി 1 മുതൽ മാർച്ച് 16 വരെ ഹൈപ്പർമാർക്കറ്റിലെ എല്ലാ ഔട്ട്‌ലെറ്റുകളിലും ആയിട്ടായിരുന്നു പ്രമോഷൻ സംഘടിപ്പിച്ചത്. ഏപ്രിൽ 13 ന് അൽ റായ് ഔട്ട്‌ലെറ്റിൽ ആയിരുന്നു സമ്മാന വിതരണ ചടങ്ങ് സംഘടിപ്പിച്ചത്. ഹാല ഷോപ്പ് ആൻ്റ് വിൻ പ്രമോഷൻ്റെ ഹൈലൈറ്റായ റാഫിൾ നറുക്കെടുപ്പിലെ ഭാഗ്യശാലികൾക്ക് ലുലു മാനേജ്‌മെൻ്റ് സമ്മാനങ്ങൾ കൈമാറി.
നിസാൻ പട്രോൾ എസ്‌യുവിയുടെയും രണ്ട് സ്റ്റൈലിഷ് നിസാൻ എക്സ്-ട്രെയിൽ ക്രോസ്ഓവർ എസ്‌യുവികളുടെയും താക്കോലുകൾ ലുലു മാനേജ്മെൻറ് ഭാഗ്യശാലികൾക്ക് കൈമാറി. കൂടാതെ, 30 ഭാഗ്യശാലികൾക്ക് ഏറ്റവും പുതിയ ഐഫോൺ 15 പ്രോയും ലഭിച്ചു. അവിശ്വസനീയമായ സ്വപ്നസമ്മാനങ്ങളാണ് വിജയികൾക്ക് ലഭിച്ചത്. തങ്ങളുടെ സ്വപ്നങ്ങൾ യാഥാർത്ഥ്യമാക്കിയതിന് വിജയികൾ ലുലുവിന് ഹൃദയംഗമമായ നന്ദി രേഖപ്പെടുത്തി.
KD5 മൂല്യമുള്ള പർച്ചേസുകൾക്കും റാഫിൾ നറുക്കെടുപ്പിൽ പങ്കെടുക്കാനും 33 സമ്മാനങ്ങളിൽ ഒന്ന് നേടാനും കഴിഞ്ഞിട്ടുണ്ട്. റാഫിൾ നറുക്കെടുപ്പ് മാർച്ച് 31 ന് വാണിജ്യ വ്യവസായ മന്ത്രാലയത്തിൽ വച്ചായിരുന്നു നടന്നത്.
