കുവൈത്ത് സിറ്റി : വ്യാഴാഴ്ച സൗദിയിൽ ദുൽഹജ്ജ് മാസപ്പിറവി കണ്ടതോടെ ഈ മാസം 16ന് ഒമാൻ ഒഴികെയുള്ള, കുവൈത്ത് ഉൾപ്പെടെയുള്ള ഗൾഫ് രാജ്യങ്ങളിൽ ബലിപ്പെരുന്നാൾ ആഘോഷിക്കും. സൗദിയിലെ റിയാദിന് സമീപം ഹരീഖിലാണ് മാസപ്പിറ ദൃശ്യമായത്. വ്യാഴാഴ്ച മാസപ്പിറവി നിരീക്ഷിക്കാൻ സൗദി സുപ്രീം കോടതി രാജ്യവാസികളോട് ആഹ്വാനം ചെയ്തിരുന്നു. അന്തരീക്ഷം മേഘാവൃതമായിരുന്നതിനാൽ പതിവായി നിരീക്ഷണം നടത്തുന്ന തുമൈറിൽ പിറ കാണാൻ കഴിഞ്ഞിരുന്നില്ല. അതിന് ശേഷമാണ് ഹരീഖിൽനിന്ന് മാസപ്പിറവി ദൃശ്യമായ വിവരമെത്തിയത്.
