കുവൈത്ത് സിറ്റി: കുട്ടികളെ ചൂഷണം ചെയ്യുന്നതുമായി ബന്ധപ്പെട്ട സംഭവത്തിൽ പബ്ലിക് പ്രോസിക്യൂട്ടറോട് അന്വേഷണത്തിന് ഉത്തരവിട്ട് സാമൂഹ്യകാര്യ, യുവജന മന്ത്രി ഡോ. അംതൽ അൽ- ഹുവൈല. സോഷ്യൽ മീഡിയയിൽ പ്രചരിക്കുന്ന ഒരു വീഡിയോക്ക് പിന്നാലെയാണ് ഉത്തരവ്. വാഹനം പത്തു വയസ്സിന് താഴെയുള്ള കുട്ടിയുടെ ദേഹത്ത് കയറുകൊണ്ട് ബന്ധിച്ച് വലിക്കാൻ നിർബന്ധിക്കുന്നതാണ് വീഡിയോ.ബാലപീഡനത്തിനെതിരെ പോരാടേണ്ടതിന്റെയും ചൂഷണത്തിൽ നിന്ന് അവരെ സംരക്ഷിക്കേണ്ടതിന്റെയും അവബോധം വളർത്തുന്നതിന്റെയും ആവശ്യകത ഊന്നിപ്പറയുകയും നിയമപ്രകാരം കുട്ടികളെ അക്രമത്തിൽ നിന്ന് സംരക്ഷിക്കാൻ ഗൗരവമായ നടപടികൾ കൈക്കൊള്ളാനും ഫാമിലി അഫയേഴ്സ് സുപ്രീം കൗൺസിലിന് ഡോ. അൽ ഹുവൈല നിർദ്ദേശം നൽകി.
