കുവൈറ്റ് സിറ്റി: തുറമുഖം വഴി രാജ്യത്തേക്ക് കടത്താൻ ശ്രമിച്ച 25 കിലോഗ്രാം ക്രിസ്റ്റൽ മെത്തുമായി ഒരാൾ അറസ്റ്റിൽ. കുറ്റവാളികളെ പിടികൂടുന്നതിനും കള്ളക്കടത്ത്, മയക്കുമരുന്ന് കടത്ത് എന്നിവയ്‌ക്കെതിരെ പോരാടുന്നതിനുമുള്ള ശ്രമത്തിന്റെ ഭാഗമായാണ് നാർക്കോട്ടിക് കൺട്രോൾ ജനറൽ ഡിപ്പാർട്ട്‌മെൻ്റ് പ്രതിയെ പിടികൂടിയത്. പിടിച്ചെടുത്ത ക്രിസ്റ്റൽ മെത്തിന് 250,000 കുവൈറ്റ് ദിനാർ വിലവരും. ആവശ്യമായ നിയമനടപടികൾക്കായി പ്രതിയെ പബ്ലിക് പ്രോസിക്യൂഷന് റഫർ ചെയ്തിട്ടുണ്ട്.
