കുവൈത്ത് സിറ്റി :ഫാമിലി വിസ ലഭിക്കുന്നതിന് യൂണിവേഴ്സിറ്റി ബിരുദത്തിന്‍റെ ആവശ്യകത പിൻവലിക്കാനുള്ള പുതിയ തീരുമാനം നടപ്പാക്കിയ ആദ്യ ദിവസം തന്നെ വിവിധ ഗവർണറേറ്റുകളിലെ റസിഡൻസി അഫയേഴ്സ് ഡിപ്പാർട്ട്മെൻ്റുകൾക്ക് ലഭിച്ചത് നിരവധി ഫാമിലി വിസ അപേക്ഷകൾ. റിപ്പോർട്ടുകൾ പ്രകാരം, ആദ്യ ദിവസം രാജ്യത്തെ ഗവർണറേറ്റുകളിലുടനീളമുള്ള റെസിഡൻസി അഫയേഴ്സ് വകുപ്പുകൾക്ക് കുടുംബ വിസകൾക്കായി ഏകദേശം 540 അപേക്ഷകളാണ് ലഭിച്ചത്. അതിൽ 320 ഓളം പേർക്ക് ഫാമിലി വിസകൾ അനുവദിച്ചു. ബാക്കിയുള്ള അപേക്ഷകൾ പരിഗണിക്കുന്നതിനായി അപേക്ഷകർ ആവശ്യമായ രേഖകൾ സമർപ്പിക്കേണ്ടതുണ്ട്. തീരുമാനം പൂർണമായും നടപ്പാക്കുന്നതോടെ വരും ദിവസങ്ങളിൽ അപേക്ഷകളുടെ എണ്ണത്തിൽ കുറവുണ്ടാകുമെന്നാണ് പ്രതീക്ഷിക്കുന്നത്.
