കുവൈത്ത് സിറ്റി: രാജ്യത്തെ ഏകീകൃത സർക്കാർ പ്ലാറ്റ്‌ഫോമായ സഹേൽ ആപ്പിന്റെ ഇംഗ്ലീഷ് പതിപ്പ് ഉടൻ അവതരിപ്പിക്കും. സഹേലിൻ്റെ ഔദ്യോഗിക സോഷ്യൽ മീഡിയ അക്കൗണ്ടിലാണ് ഇതു സംബന്ധിച്ച അറിയിപ്പ് വന്നത്. സഹേൽ ആപ്പ് നിലവിൽ അറബി ഭാഷയിൽ ആണുള്ളത്. പൗരന്മാർക്കും താമസക്കാർക്കുമായി സർക്കാർ സേവനങ്ങൾ കാര്യക്ഷമമാക്കുന്നതിൽ സഹേൽ ആപ്പ് പ്രധാന പങ്കുവഹിക്കുന്നുണ്ട്. അറബി ഭാഷയിൽ മാത്രം ആപ്പ് ലഭ്യമായതിനാൽ സേവനങ്ങളെ ആശ്രയിക്കുന്നതിൽ കുവൈത്തിലെ വലിയ പ്രവാസി സമൂഹം ഭാഷാ സംബന്ധമായഇംഗ്ലീഷ് പതിപ്പ് അവതരിപ്പിക്കുന്നത് പ്രവാസി സമൂഹത്തിന് കാര്യമായ പ്രയോജനം ചെയ്യുമെന്നും സർക്കാർ സേവനങ്ങൾ ലഭ്യമാക്കുന്നതിനും ആവശ്യമായ ഇടപാടുകൾ പൂർത്തിയാക്കുന്നതിനുമുള്ള നടപടിക്രമങ്ങൾ ലളിതമാക്കുമെന്ന് പ്രതീക്ഷിക്കുന്നു. ബുദ്ധിമുട്ടുകൾ അനുഭവിച്ചിരുന്നു. ലൈസൻസുകൾ പുതുക്കൽ, പെർമിറ്റുകൾക്ക് അപേക്ഷിക്കൽ തുടങ്ങിയ സർക്കാരുമായി ബന്ധപ്പെട്ട ജോലികൾ കൈകാര്യം ചെയ്യാൻ ഉപയോക്താക്കളെ അനുവദിക്കും. പൗരന്മാർക്കും താമസക്കാർക്കും നിർണായക സേവനങ്ങളിലേക്ക് എളുപ്പത്തിൽ ആക്സസ് ഉണ്ടെന്ന് ഉറപ്പാക്കാനുള്ള കുവൈറ്റ് ഗവൺമെൻ്റിൻ്റെ വിപുലമായ ശ്രമത്തിൻ്റെ ഭാഗമാണ് ഈ അപ്ഡേറ്റ്.
