കുവൈത്ത് സിറ്റി: ശിശുദിനത്തോടനുബന്ധിച്ച് കല (ആർട്ട്) കുവൈത്ത് ഇന്ത്യൻ സ്കൂൾ കുട്ടികൾക്കായി ‘നിറം 2024’ ചിത്രരചന മത്സരം സംഘടിപ്പിക്കും. മത്സരങ്ങൾ ഡിസംബർ ആറിന് ഖൈത്താൻ ഇന്ത്യൻ കമ്മ്യൂണിറ്റി സ്കൂളിൽ നടക്കും. ഉച്ചക്ക് ശേഷം രണ്ടുമണിക്ക് മത്സരം ആരംഭിക്കും. 2005 മുതൽ നിറം എന്ന പേരിൽ സംഘടിപ്പിച്ചുവരുന്ന ഈ പരിപാടിയുടെ ഇരുപതാം വാർഷികമാണ് ഈ വർഷമെന്ന് സംഘാടകർ വാർത്ത സമ്മേളനത്തിൽ പറഞ്ഞു. എൽ.കെ.ജി മുതൽ ഒന്നാം ക്ലാസു വരെ, രണ്ടാം ക്ലാസ് മുതൽ നാലു വരെ, അഞ്ചാം ക്ലാസ് മുതൽ ഏഴ് വരെ, എട്ടാം ക്ലാസ് മുതൽ പന്ത്രണ്ടാം ക്ലാസ് വരെ എന്നിങ്ങനെ ഡ്രോയിങ്ങിലും പെയിന്റിങ്ങിലുമായി നാല് ഗ്രൂപ്പുകളിലായാണ് മത്സരം. ഒന്നാം സമ്മാനം നേടുന്നവർക്ക് സ്വർണ നാണയവും രണ്ടും മൂന്നും സമ്മാനങ്ങൾക്കുപുറമെ 75 പേർക്ക് മെറിറ്റ് പ്രൈസും 10 ശതമാനം പേർക്ക് പ്രോത്സാഹ ന സമ്മാനവും ലഭിക്കും. ഡിസംബർ മൂന്നുവരെ ഓൺലൈൻ രജിസ്റ്റർ ചെയ്യാം www.kalakuwait.net. ഫോൺ- 67042514, 66114364, 66015466, 97219439.
