കുവൈത്ത് സിറ്റി: ഇന്ത്യൻ കമ്മ്യൂണിറ്റി സ്‌കൂളിലെ മുൻ വിദ്യാർത്ഥി ഇമ്മാനുവൽ ചൊവ്വാഴ്ച പുലർച്ചെ കണ്ണൂർ ജില്ലയിലുണ്ടായ അപകടത്തിൽ മരണപ്പെട്ടു. ഓടിക്കൊണ്ടിരിക്കുന്ന കാറിന് മുകളിൽ മരം വീണതിനെ തുടർന്ന് കാർ നിയന്ത്രണം വിട്ട് സമീപത്തെ കുളത്തിലേക്ക് മറിഞ്ഞാണ് മരിച്ചതെന്നാണ് റിപ്പോർട്ട്. ഐസിഎസ്‌കെ ഖൈത്താനിലെ വിദ്യാർത്ഥിയായിരുന്നു. പത്താം ക്ലാസ് പൂർത്തിയാക്കിയ ശേഷം കുവൈത്ത് വിട്ടു. കേരളത്തിൽ നിന്ന് ബിരുദപഠനം തുടരുകയായിരുന്നു. കേരളത്തിലെ കണ്ണൂർ ജില്ലയിലെ ഇരിട്ടി സ്വദേശിയായ ഇമ്മാനുവൽ ബെന്നി ജോസഫിൻ്റെ (മുൻ ലിമാക് ജീവനക്കാരൻ) മകനാണ്, അമ്മ ബീന അൽ റാസി ഹോസ്പിറ്റലിൽ സ്റ്റാഫ് നഴ്സായി ജോലി ചെയ്യുകയാണ്. എലിസബത്തും എമിലിയും സഹോദരിമാരാണ്. രണ്ട് വർഷം മുമ്പാണ് കുടുംബം കുവൈത്ത് വിട്ടത്. ഇമ്മാനുവൽ ഒരു പ്രൊഫഷണൽ ഫുട്ബോൾ കളിക്കാരനായിരുന്നു കൂടാതെ കുവൈറ്റിലെ വിവിധ ടൂർണമെൻ്റുകളിൽ പങ്കെടുത്തിരുന്നു.
