കുവൈത്ത് സിറ്റി: കുവൈത്ത് പൗരത്വത്തെക്കുറിച്ചുള്ള അന്വേഷണത്തിനായി ചേർന്ന യോഗത്തിൽ 3043 വ്യക്തികളുടെ കുവൈറ്റ് പൗരത്വം റദ്ദാക്കാൻ തീരുമാനം. ആക്ടിംഗ് പ്രധാനമന്ത്രിയും പ്രതിരോധ മന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അൽ യൂസഫിന്‍റെ നേതൃത്വത്തിലാണ് യോഗം ചേർന്നത്. ഈ വ്യക്തികളിൽ നിന്ന് ദേശീയത പിൻവലിക്കാനുള്ള തീരുമാനം ദേശീയ സുരക്ഷയും കുവൈറ്റ് പൗരത്വത്തിന്‍റെ സമഗ്രതയും സംബന്ധിച്ച വിവിധ പ്രശ്നങ്ങൾ പരിഹരിക്കുന്നതിനുള്ള ശ്രമങ്ങളുടെ ഭാഗമാണ്. സമിതിയുടെ തീരുമാനത്തിന് ശേഷം, 3043 വ്യക്തികളുടെ കേസുകൾ മന്ത്രി സഭയിൽ സമർപ്പിക്കും.
