കുവൈത്ത് സിറ്റി: രാജ്യത്തെ ദേശീയ ദിനാഘോഷങ്ങൾക്ക് ഫെബ്രുവരി രണ്ടിന് തുടക്കമാകുന്നു. ബയാൻ പാലസിൽ പതാക ഉയർത്തൽ ചടങ്ങുകളോടെയാണ് ആഘോഷങ്ങൾ ആരംഭിക്കുന്നത്. തുടർന്ന് എല്ലാ ഗവർണറേറ്റുകളിലും പരാമ്പരാഗത രീതിയിലുള്ള ആഘോഷ പരിപാടികൾ സംഘടിപ്പിക്കും. പതാക ഉയർത്തൽ ചടങ്ങിൽ പങ്കെടുക്കാൻ പൊതു ജനങ്ങൾക്കും അവസരമുണ്ടായിരിക്കും. പ്രധാന മന്ത്രി ശൈഖ് അഹമ്മദ് അബ്ദുല്ല അൽ അഹമ്മദ് അൽ സബാഹിന്റെ നേതൃത്വത്തിൽ ബയാൻ പാലസിൽ നടന്ന മന്ത്രിസഭാ യോഗത്തിലാണ് ഇതുസംബന്ധിച്ച തീരുമാനമുണ്ടായത്. ഫെബ്രുവരി 25ന് കുവൈത്തിൽ ദേശീയ ദിനവും 26ന് വിമോചന ദിനവും ആഘോഷിക്കും. ഇത്തവണത്തെ ദേശീയ ദിനാഘോഷങ്ങളുടെ പ്രധാന ആകർഷണം ജനുവരി 21ന് ആരംഭിച്ച `യാ ഹലാ’ ഷോപ്പിങ് ഫെസ്റ്റിവലാണ്. 70 ദിസം നീണ്ടുനിൽക്കുന്ന ഈ പരിപാടി മാർച്ച് 31നാണ് സമാപിക്കുക.
