കുവൈറ്റ് സിറ്റി : 148മത് മന്നം ജയന്തിയോട് അനുബന്ധിച്ച് എൻഎസ്എസ് കുവൈറ്റ് സംഘടിപ്പിക്കുന്ന ദ്രുപത് എന്ന സംഗീത നിശ ഫെബ്രുവരി 7 , 2025ന് ഹവല്ലിയിലുള്ള ഹവല്ലി പാലസ് ഓഡിറ്റോറിയത്തിൽ വെച്ച് നടത്തപ്പെടുന്നു. വൈകീട്ട് നാലുമണിയോടെ ആരംഭിക്കുന്ന സാംസ്കാരിക സമ്മേളനത്തിൽ കേരളത്തിൻറെ മുൻ ചീഫ് സെക്രട്ടറിയും പ്രശസ്ത കവിയും സാഹിത്യകാരനുമായ ശ്രീ. കെ . ജയകുമാർ ഐഎഎസ് മുഖ്യ അതിഥി ആയിരിക്കും. എൻഎസ്എസ് കുവൈറ്റ് നടപ്പിലാക്കുന്ന ജീവകാരുണ്യ പദ്ധതിയായ സ്നേഹവീട് പദ്ധതിയുടെ ഭാഗമായാണ് “ദ്രുപത് ” എന്ന പേരിൽ സംഗീത നിശ അരങ്ങേറുന്നത്. പ്രശസ്ത പിന്നണി ഗായകനായ ശ്രീമാൻ ആലാപ് രാജുവും ബാൻഡും നയിക്കുന്ന സംഗീത നിശയിൽ ഏഷ്യാനെറ്റ് സ്റ്റാർ സിംഗർ വിജയികളായ അരവിന്ദ് നായരും, ദിഷാ പ്രകാശും പങ്കെടുക്കും. ഇവരോടൊപ്പം തെന്നിന്ത്യയിലെ പ്രശ്സ്ത ഗായകരായ ശ്രീകാന്ത് ഹരിഹരനും , അപർണ ഹരികുമാറും സംഗീത നിശയിൽ പങ്കു ചേരും. വാർത്താ സമ്മേളനത്തിൽ എൻ. എസ്സ് എസ്സ് കുവൈറ്റ് പ്രസിഡൻ്റ് എൻ. കാർത്തിക് നാരായണൻ, ജനറൽ സെക്രട്ടറി അനീഷ് പി. നായർ , ട്രഷറർ ശ്രീ ശ്യാം ജി നായർ , വനിതാ സമാജം കൺവീനർ ശ്രീമതി ദീപ്തി പ്രശാന്ത് എന്നിവർ പങ്കെടുത്തു.
