വത്തിക്കാൻ: കത്തോലിക്കാ സസഭയുസഭയുടെ പരമാധ്യക്ഷൻ ഫ്രാൻസിസ് മാർപാപ്പയ്ക്ക് 84-ാം പിറന്നാൾ. പ്രത്യേക ആഘോഷങ്ങളൊന്നുമില്ലാതെയാണ് പോപ്പ് ഫ്രാൻസിസിൻ്റെ ഈ പിറന്നാളും കടന്നു പോകുന്നത്. കത്തോലിക്കാ സഭയുടെ ചരിത്രത്തിൽ തന്നെ നവീകരണ നായകനും ലോകമെങ്ങും സ്വീകാര്യനുമാണ് ഫ്രാൻസിസ് മാർപാപ്പ .
2013 മാർച്ച് 14-നാണ് അദ്ദേഹം മാർപാപ്പയായി തെരഞ്ഞെടുക്കപ്പെട്ടത്. മാർച്ച് 19-നായിരുന്നു സ്ഥാനാരോഹണം. വിശുദ്ധ ഫ്രാൻസിസിനെപ്പോലെ ലളിതജീവിതം ആഗ്രഹിച്ച അദ്ദേഹം വിശുദ്ധന്‍റെ പേര് സ്വീകരിക്കുകയായിരുന്നു.ഫ്രാൻസിസ് മാർപാപ്പ പൗരോഹിത്യത്തിന്റെ 51-ാം വാർഷികം ആഘോഷിച്ചത് കഴിഞ്ഞ ദിവസമാണ്. 1936 ഡിസംബർ 17ന് ബ്യൂനസ് ഐറിസിലാണു ജനനം. 1969 ഡിസംബർ 13ന് ഈശോസഭ വൈദികനായി തുടക്കം. 1998ൽ ബ്യൂനസ് ഐറിസ് ആർച്ച്ബിഷപ്പായി.
