പരിണാമം സംഭവിച്ച കൊറോണവൈറസുൾ ബ്രിട്ടനിൽ അതിവേഗം പടരുന്ന സാഹചര്യത്തിൽ മുന്‍കരുതല്‍ നടപടികളുടെ ഭാഗമായി ഒമാന്‍ അതിര്‍ത്തികള്‍ അടച്ചു. നിലവിൽ ഒരാഴ്ചത്തേക്കാണ് നിയന്ത്രണം. ചൊവ്വാഴ്ച രാവിലെ പ്രാദേശിക സമയം ഒരു മണിമുതലാണ് നിയന്ത്രണം നിലവില്‍ വരിക.
ഒമാൻ കര,നാവിക,വ്യോമ അതിര്‍ത്തികള്‍ അടക്കും. കൊവിഡ് വൈറസിന്റെ പുതിയ വക ഭേദം പടര്‍ന്നു പിടിക്കുന്ന സാഹചര്യത്തില്‍ സൗദി അറേബ്യയും നേരത്തെ അതിര്‍ത്തികള്‍ അടയ്ക്കുകയാണെന്ന് പ്രഖ്യാപിച്ചിരുന്നു. സാഹചര്യങ്ങള്‍ വിലയിരുത്തി തുടര്‍ തീരുമാനങ്ങള്‍ ഉണ്ടാകുമെന്ന് ഒമാന്‍ വ്യോമയാന മന്ത്രാലയം അറിയിച്ചു.
