കുവൈത്ത് സിറ്റി: കുവൈത്തിലെ ഇന്ത്യൻ എംബസി, ഇന്ത്യൻ ഡോക്ടർമാരുടെ ഫോറം (ഐഡിഎഫ്), കുവൈറ്റ് മെഡിക്കൽ അസോസിയേഷൻ (കെഎംഎ) എന്നിവയുമായി സഹകരിച്ച് “ കോവിഡ് -19 – ഇന്ത്യ-കുവൈറ്റ് പങ്കാളിത്തം” എന്ന പേരിൽ ഒരു സിമ്പോസിയം സംഘടിപ്പിച്ചു. അംബാസിഡർ സിബി ജോർജ് പരിപാടി ഉദ്ഘാടനം ചെയ്തു,പകർച്ചവ്യാധി കൈകാര്യം ചെയ്യുന്നതിൽ ഇന്ത്യയുടെ വിജയഗാഥ, വാക്സിൻ പ്രോഗ്രാം, “ഫാർമസി ഓഫ് ദി വേൾഡ്”, ആരോഗ്യ മേഖലയിൽ കുവൈത്തും ഇന്ത്യയും തമ്മിൽ വർദ്ധിച്ചുവരുന്ന ഉഭയകക്ഷി സഹകരണം – ഇത് സംബന്ധിച്ച് അദ്ദേഹം ഉദ്ഘാടന പ്രസംഗത്തിൽ പറഞ്ഞു.
ചടങ്ങിൽ കുവൈത്ത് മെഡിക്കൽ അസോസിയേഷൻ പ്രസിഡന്റ് ഡോ. അഹ്മദ് തുവൈനി അൽ-എൻനെസി വിശിഷ്ടാതിഥിയായിരുന്നു, അദ്ദേഹം മുഖ്യപ്രഭാഷണം നടത്തി. ഇന്ത്യൻ ഡോക്ടർമാരുടെ ഫോറം പ്രസിഡന്റ് ഡോ. അമീർ അഹമ്മദ് ചടങ്ങിൽ പ്രസംഗിക്കുകയും സിമ്പോസിയത്തിലെ ബഹുമാനപ്പെട്ട പാനൽ സ്പീക്കറുകളെ പരിചയപ്പെടുത്തുകയും ചെയ്തു.
കുവൈത്തിലെ പ്രശസ്ത ആരോഗ്യസംരക്ഷണ സ്ഥാപനങ്ങളിൽ ജോലി ചെയ്യുന്ന സ്പെഷ്യലിസ്റ്റ് ഇന്ത്യൻ മെഡിക്കൽ ഡോക്ടർമാരെ ഉൾപ്പെടുത്തി പാനൽ ചർച്ചയും നടന്നു . കുവൈത്തിലെ ജാബർ അൽ അഹമ്മദ് ആംഡ് ഫോഴ്‌സ് ഹോസ്പിറ്റലിലെ പീഡിയാട്രിക്സ് വിഭാഗം കൺസൾട്ടന്റും ഹെഡും ഡോ. പി. ശങ്കർ നാരായണൻ മേനോൻ ചർച്ച നിയന്ത്രിച്ചു.
